Xiliga xilka lagu wareejinayo madaxweynaha cusub ee maamulka Puntland oo la shaaciyay

Hiiraan Xog, Waxaa la shaaciyay xiliga rasmiga ah ee Madaxweynaha cusub ee maamulka Puntland Saciid Cabdullaahi Deni  iyo ku xigeenkiisa Axmed Cilmi Karaash ay xilalka loo doortay ay ula wareegi lahaayeen.

Warka laga helayo magaalada Garoowe ayaa sheegaya in Maalinta Isniinta ah ee ina soo aadan taariikhdana ku beegantahay 14’ka Bisha Janaayo 2019 in Madaxda cusub ee maamulka Puntland ay si toos ah xilalka ugu wareegi doonaan.

Waxaana lagu wadaa in isla maalintaas uu madaxweyne Deni uu usoo guuro xarunta dhismaha Madaxtooyada maamulkaasi looga arrimiyo, halkaasi oo uu deganaan doono ilaamaa ay ka dhamaaneyso shanta sanno ee muddo xileedkiisa ah ee loo doortay.





Be the first to comment

Leave a Reply