Wasiirka maaliyada Soomaaliya oo sheegay in la bixin doono lacag shaqo loogu abuurayo Dhalinyarada maamul goboledyada dalka

by B.A.M | Tuesday, Feb 13, 2018 | 195 views

Hiiraan Xog, Feb 13, 2018:- Iyadoo laga duulaayo hadafka ah shaqaaleysiinta dhalinyarada Soomaaliyeed, ayaa Xukuumadda waxa ay sheegtay maamul Goboledyada dalka in laga rabo soo dalbashada dhaqaale ku aadan shaqo abuur loogu sameyo Dhalinyarada ku nool Gobolada dalka iyo Gobolka Banaadir.

Qorshuhu waxa uu yahay in Maamul goboleedyada iyo Gobolka Banaadir ay soo Codsadaan Lacag lagu horumarinayo Goboladda iyadoo ay Caddahay shaqada lagu qabanayo.

Wasiirka Maaliyadda Soomaaliya C/raxmaan Ducaalle Bayle oo Codka Xukuumadda ku hadlayey ayaa sheegay in qorshahaan la rabo in uu u dhaco qaab daah furan.

Wasiir Bayle ayaa sidoo kale sheegay in Xukuumadda Soomaaliya ay dhaqaalaha u kordhin doonto Maamulkii si hufan ugu shaqeeya dhaqaalaha Hormarinta iyo Shaqa abuurka loogu talagalay.

Dowlada Soomaaliya ayaa sheegtay in qaadayso tallaaba kasta oo shaqa abuur dhalinyarada Soomaaliyeed loogu sameyn karo iyagoo jooga deeganadooda

Shabakada Hiiraan Xog

hiranxog@gmail.com

hiiraanxog@gmail.com

Like it? Share it!

Leave A Response