Ciidammada dalka Pakistan oo soo furtay qoys Waqooyiga Ameerika ka soo jeeda

by B.A.M | Friday, Oct 13, 2017 | 117 views

Hiiraan Xog, Oct 13, 2017:- Ciidammada dalka Pakistaan ayaa soo furtay qoys shan ruux ka kooban oo ka soo jeeda Waqooyiga Ameerika kuwaas oo ay afduub u haysteen Talibaanka Afghanistan.

Joshua Boyle oo reer Canada ah iyo xaaskiisa Caitlan Coleman oo Mareykanka u dhalatay ayaa la qafaashay iyaga oo dalxiis u joogay Afghanistan 2012kii, saddex ilmood ayay dhaleen intii la haystay.

Waxaa la soo badbaadiyay ka dib markii maraykanka laga helay xog, hawlgalna laga fuliyay meel u dhaw xadka Afghanistan, sida ay ciidammada Pakistan sheegeen.

Madaxweynaha Mareykanka Donald Trump ayaa sheegay in ay wakhti wanaagsan u tahay xiriirka Mareykanka iyo Pakistan.

War qoraal ah oo ka soo baxay Aqalka Cad ee looga arrimiyo Maraykanka ayuu Trump ku sheegay “in Coleman ay saddex ilmood dhashay intii qafaaalashada loo haystay, “maantana waa xor”.

Wuxuu intaas ku duray “in wadashaqaynta Pakistan ay astaan u tahay in ay tixgalinayso rabitaanka Mareykanka ee ah in ay wax badan ka qabtaan ammaanka gobolka.

Shabakadda Al Xaqani ee taabacsan Taalibaan ayaa soo daayay muuqaalka lahaysteyaashan iyaga oo dalbanaya in la soo daayo saddex malayshiyada ka tirsan oo Afghanistan ku xiran.

 

 

 

Shabakada Hiiraan Xog

hiranxog@gmail.com

hiiraanxog@gmail.com

Like it? Share it!

Leave A Response